«Жасанды интеллектіні логопед сабағында тиімді пайдалану»

4 сәуір күні Оразбай атындағы №115 негізгі орта мектебі базасында қалалық семинар жоғары деңгейде ұйымдастырылып өтті. Аталған іс-шарада білім беру саласындағы заманауи бағыттар, әсіресе Жасанды интеллект мүмкіндіктерін оқу процесінде тиімді қолдану мәселелері кеңінен қарастырылды.
Семинар аясында логопед мұғалім Шарипбаева Динара Акжоловна «Жасанды интеллектіні логопед сабағында тиімді пайдалану» тақырыбында шебер сынып өткізді. Сабақ барысында педагог жасанды интеллект құралдарын қолдану арқылы оқушылардың тіл дамыту, дыбыс қою және сөйлеу дағдыларын жетілдірудің жаңа әдіс-тәсілдерін көрсетті. Әсіресе, ерекше білім беруді қажет ететін балалармен жұмыс барысында заманауи технологиялардың тиімділігі нақты мысалдар арқылы дәлелденді.
Шебер сынып өте мазмұнды, тәжірибелік тұрғыдан пайдалы өтті. Қатысушылар логопедиялық жұмыста цифрлық ресурстарды қолданудың маңыздылығына көз жеткізіп, өз тәжірибелеріне енгізуге қажетті құнды ақпараттар алды. Сабақ барысында ұсынылған әдістер мен құралдар педагогтердің кәсіби шеберлігін арттыруға үлкен ықпал етті.
Қорытындылай келе, бұл семинар білім беру саласындағы инновациялық бағыттарды насихаттап, тәжірибе алмасуға мүмкіндік берген маңызды алаң болды. Шарипбаева Динара Акжоловнаның шебер сыныбы қатысушылар тарапынан жоғары бағаланып, үлкен қызығушылық тудырды